Arestado ang usa ka lalaking wanted sa duha ka kaso sa child abuse sa Kalilangan, Bukidnon!

Nasikop ang usa ka wanted person nga  lalaki human sa gipahigayon nga operasyon sa mga otoridad sa Purok 1, Barangay Malinao, Kalilangan, Bukidnon tungod sa duha ka ihap sa kasong child abuse.

Giila ang suspect nga si  Jose Jambo Mezo Balingan, 48 anyos, minyo, usa ka empleyado sa Dole plantation ug residente sa nahisgutang barangay.

Ang suspetsado gidakop pinaagi sa Warrant of Arrest sa duha ka ihap sa paglapas sa Special Protection of Children Against Abuse, Exploitation and Discrimination Act nga dunay girekomendang pyansa nga P40,000.

Si Balingan anaa na karon sa kustodiya sa Kalilangan Municipal Police Station alang sa dokumentasyon ug tukmang disposasyon.