Nakadawat og daghang batikos ang usa ka arcade sa Shenzhen, China, human niini gigamit ang buhi nga mga hamster isip premyo sa claw machine game.
Mikaylap sa social media ang mga hulagway nga nagpakita sa mga hamster nga nagtapok sulod sa makina samtang naglikay sa claw.
Sumala pa sa mga eksperto nga ang ingon nga kahimtang naghatag og grabe nga stress ug kahadlok sa mga hayop tungod sa saba ug hayag nga palibot.
Gisulayan sa pipila ka bisita nga i-report ang insidente sa pulisya apan wala kini aksyuni tungod sa kakulang sa balaod sa animal welfare.
Human sa kasuko sa publiko, gitangtang sa arcade ang maong makina nga adunay hamster.
Ilisan kini og bag-ong claw machines nga adunay buhi nga isda ug gagmay’ng pawikan isip premyo nga nakadugang pa sa kontrobersiya.
Sumala sa empleyado, ang pagtangtang sa hamster dili tungod sa kalooy kundi aron malikayan ang paglapas sa disease control laws tungod sa kakulang sa lisensya.