Kahadlok ug kasubo sa usa ka panimalay human nila nga makuhaan sa usa ka video ang dagway sa ilang mipanaw nga lola nga namatay , nga mitunga sa samin sa ilang karaang aparador.
Si Cornelio miangkon nga dugay na nilang namatikdan nga murag adunay laing presensya sa ilang balay, labina kon siya makatulog sa sala.
Namatkdan niini nga adunay gatutok ug nangayo og tabang o pag-ampo.
Matud ni Khim Irish mosulti usab nga samtang sila nagdula ug tagu-taguan, murag adunay nagatago usab sa aparador, ug sa higayon nga ablihan kini mabati niini nga aduna kini kauban .
Nakakuha si Khim ug video samtang nagduwa-duwa sila sa iyang manghud.
Sa maong kuha, klaro kaayong malantaw ang aparador, ug didto mitumaw ang hulagway sa ilang Lola Gloria nga siyam na ka bulan sukad namatay.
Sumala sa paryente nilang si Divina, paborito gyud ni Lola Gloria nga manalamin sa maong aparador samtang buhi pa kini.
Dili lamang si Lola Gloria ang gituong nagpakita.
Sa lain nga video nga gikuha sa inahan ni Khim nga si Jackie Fortuna, nakita usab sa salamin ang imahe sa usa ka bata nga ilang gituohang mao si Tenten, ang 10-anyos nga anak ni Jackie nga nalunod niadtong 2023.
Matag damgo ni Jackie, kanunay magpakita si Tenten nga nagtan-aw kaniya, nga adunay gustong ipahibalo.
Tungod sa kabalaka, ilang gitawag ang paranormal investigator nga si Mary Cuevas.
Pag-abot pa lang niya sa balay, iyang gibati ang kabug-at sa palibot ug presensya sa usa ka babaye.
Sa pag-inspeksyon sa aparador, giingon ni Cuevas nga kini posibleng nag-alagad nga “portal” o agianan sa mga espiritu.
Ang hulagway sa bata, matud niya, mahimong nalambigit sa usa ka tinguha ni Tenten nga wala niya matuman sa wala pa siya mibiya.
Hangtod karon, nagpadayon ang pamilya sa pagpangita og kasayuran ug kalinaw alang sa ilang mga minahal nga namayapa.