Anti-Political dynasty law, target nga ilakip sa SONA isip nangunang kalampusan ni PBBM — Rep. Adiong

Target sa Kamara nga ilakip ang Anti-Political Dynasty Law bill isip usa sa mga dagkong kalampusan nga ikapasigarbo sa umaabot nga State of the Nation Address kon SONA ni Presidente Ferdinand Marcos Jr.

Matud ni Lanao del Sur 1st District Rep. Zia Alonto Adiong, Chairman sa House Committee on Suffrage and Electoral Reforms, ang maong balaudnon maoy “number one priority” sa listahan sa Legislative Executive Development Advisory Council kon LEDAC, hinungdan gidali ang pagpalabang niini sa dili pa ang Lenten break sa Kongreso.

Taliwala nga ang Konstitusyon sa 1987 adunay probisyon batok sa political dynasties, ang Kongreso wala pay napasar nga enabling law sa milabay nga halos upat ka dekada.