Gihisgutan karon ang kamahinungdanon sa anti-political dynasty bill nga gitinguhang mahimong balaod aron mahibalik ang pagsalig sa katawhan.
Nagtuo ang pipila ka mambabalaod nga mao kini ang pamaagi aron mapalastar pag-usab ang kahimtang sa nasud.
Matud sa usa ka eksperto sa balaod nga si Atty. Tony Lavinia,gisulti niini nga labing mahinungdanon ang anti-political dynasty bill aron pakgangon ang halapad nga korapsyon sa Pilipinas.
Gipasabot niini nga ang pamilya nga nagpabilin sa katungdanan sa politika magpadayon ang korapsyon sa budget gumikan nagtuo sila nga gipanga-iyahan sa ilang pamilya ang pondo katawhan.
Subling gitumbok usab niini nga “free fall” ang administrasyon ni presidente Ferdinand Marcos Jr., ug bagsak sa ebalwasyon sa katawhan.
Busa gisugyot niini nga magmugna ang presidente og constitutional change sanglit dili madala sa anti-political dynasty law.
Gisugyot niini nga kaniadto pa unta kini gisugdan sa presidente da mas sayo nga higayon ug kon mamahimo nga gikinahanglan niyang makanaog sa katundanan alang sa kaayuhan sa nasud mas maayong buhaton kini sa pangulo.