Gibutyag sa aktres ug TV host nga si Anne Curtis nga wala niini sukad malitok ang sikat ug kontrobersyal nga linyang, “I can buy you, your friends, and this club,”
Sa iyang pagbisita sa “Ang Walang Kwentang Podcast,” giklaro sa It’s Showtime host nga bisan kini natingala sa maong balita niadtong 2013 human sa usa ka gabii sa usa ka bar sa Taguig diin nalambigit usab ang aktor nga si John Lloyd Cruz.
Saysay pa ni Anne, gipangutana niini ang iyang mga higala nga kauban sa maong insidente aron eklaro ang iyang sayop ug mangayo og pasaylo, apan gipanghimakak sa iyang core group nga nigawas ang maong mga pulong sa iyang baba.
Bisan pa man niini, gipili ni Anne nga dili na lang makiglantugi ug “giangkon” na lang ang maong linya tungod kay nahimo na kining kabahin sa iyang pagkatawo sa mata sa publiko ug giisip na kini nga “iconic”.
Giangkon usab ni niini nga nakasinati siya og grabeng anxiety kaniadto tungod sa pagdagsang sa mga pagsaway sa social media, apan mapasalamaton si Anne kay didto niya nailhan ang iyang mga tinuod nga higala.