Angeline Quinto, gikatakdang mogradwar sa kolehiyo karong Hunyo

Malipayong gipaambit sa singer nga si Angeline Quinto nga hapit na kini mogradwar sa kolehiyo karong umaabot nga bulan sa Hunyo.

Matud pa, gisekreto lang kini sa iyang bana nga si Nonrev Daquina ug pamilya, apan nakadawat na kini  og mga greetings sa usa ka event nga gitambongan niini.

Gibutyag ni Angeline nga mikuha kini og kursong Business Management, Major in Marketing sa Immaculada Concepcion College.

Giangkon sa singer nga nahimong dako nga hagit alang kaniya ang pagbalanse sa oras alang sa pamilya, pag-eskwela, ug sa malampusong singing career.