Ang courtesy resignation sa Ombudsman, gisunod sa pipila ka opisyales

Gikumpirma ni Assistant Ombudsman Mico F. Clavano nga aduna nay mga opisyales sa Office of the Ombudsman ang misunod sa gipagawas nga direktiba ni Omb. Jesus Crispin Remulla nga courtesy resignation sa 99 ka indibidwal.

Bisan og dili sigurado ang gidaghanon kung pila ang nagsumite sa ‘resignation’, daghan matud pa ang nagpakita nga sila ‘in good faith’ isip kabahin sa bag-ong liderato sa buhatan.

Kahinumduman nga gibutyag ni Ombudsman Remulla ang pagkadiskubre sa giingong mga ‘midnight appointees’ sa wala pa mikanaog si ex-Ombudsman Samuel Martires gikan sa pwesto.