Mikaylap online ang video sa usa ka “android waitress” nga nagtrabaho sa usa ka restaurant sa Chongqing, China, diin nag viral tungod sa iyang hilabihan ka-sakto ug robotic nga lihok nga nakahatag og katingala ug kalibog sa mga netizen ug nasayran nga kini usa ra diay ka ilusyon.
Sa unang tan-aw, mura kini og tinuod nga humanoid robot nga nagaserbisyo sa mga kostumer, mag-abi-abi sa mga mosulod, modawat og order, ug modala sa pagkaon ug ilimnon ngadto sa mga lamesa.
Tungod niini, daghan ang nakahunahuna nga kini usa ka AI-powered robot nga nagtrabaho sa restaurant.
Apan ang uban usab nakasinati og “uncanny valley effect,” ug naghatag og creepy nga pagbati.
Sa ulahi, napamatud-an nga dili diay kini robot.
Ang “android waitress” usa ka tinuod nga tawo, usa ka 26-anyos nga dancer nga si Miss Qin diin nga nagpakaaron-ingnon og robot isip performance.
Tungod sa viral nga reaksyon online, daghang media ang miadto sa restaurant aron i-cover ang nahitabo, apan nakurat sila nga ang ilang nakita nga “android” dili makina kundili usa ka artista nga naghatag og realistiko kaayo nga robotic performance.