Padayong nagapaalim sa balay tambalanan sa Bukidnon Provincial Hospital Malitbog ang biktima human gidunggab sa kaugalingong anak sa may Barangay Kiabo, lungsod sa Malitbog, Bukidnon kaganihang buntag, banda alas 3:30 sa kaadlawon, Hunyo 23 ning tuiga.
Ang suspek usa ka 51 anyos nga lalaki, taga Sitio Larapan, Barangay Kiabo, Malitbog. Samtang Ang biktima nga amahan niini usa ka 75 anyos ug residente sa Sitio Sulindawan.
Base sa imbestigasyon, ang biktima ug suspek kaubang nag-inom sa balay niini kauban ang pipila ka mga silingan sa dihang naglalis ang mag-amahan, rason sa Maong krimen.
Nasayran nga ang amahan ang unang miluba sa iyang anak sa wala nga kamot sa suspek gamit ang kutsilyo. Gumikan niini, misukol ang suspek ug gikuha ang sanggot ug gitigbas ang ulo ug tuo nga bukton sa iyang amahan.
Samtang, ang Barangay Chairman sa Kiabo, kauban ang iyang mga miyembro sa Barangay Peacekeeping Action Team (BPAT), personal nga miturn-over sa suspek ngadto sa Malitbog Municipal Police Station.