Giila sa Guinness World Records ang usa ka kabayo nga ginganlag “Fancy” isip pinakatigulang nga buhi nga kabayo sa tibuok kalibutan sa edad nga 37 anyos.
Isip usa ka American Quarter Horse, nalabwan ni Fancy ang normal nga life expectancy sa iyang lahi nga kasagaran moabot lang og 25 hangtod 35 ka tuig.
Ang tag-iya niini nga si Paige Sigmon Blumer nagsugod sa ilang lawom nga relasyon niadtong late 90s, ug sukad niadtong tuig 2000, nahimo na siyang permanenteng miyembro sa ilang pamilya human makita ang iyang talagsaong kaisog sa pagluwas sa asawa sa iyang kanhi trainer gikan sa usa ka milupad nga atop sa panahon sa bagyo.
Bisan pa man sa iyang pangedaron ug sa gihambin nga Cushing’s disease, nagpabiling basog si Fancy pinaagi sa saktong nutrisyon, regular nga checkup sa beterinaryo, ug pagkaon sa mga humok nga pagkaon.