Gilusad sa Islamic Revolutionary Guard Corps (IRGC) sa Iran ang usa ka pag-atake sa pasilidad sa Amazon Web Services (AWS) sa Bahrain niadtong Abril 2, 2026, nga giingong unang aksyon niini batok sa mga kompanyang Amerikano nga gipasanginlang gigamit sa pagpangispiya alang sa joint forces sa Estados Unidos ug Israel.
Sumala sa IRGC, ang maong pasilidad nagsilbing himan sa “espionage” nga nakatabang sa serye sa mga pagpamatay sa ilang mga opisyal.
Ang pag-atake pinaagi sa missile o drone strike miresulta sa sunog ug dakong kadaut sa cloud infrastructure, samtang nagpagula usab ang Iran og hulga batok sa uban pang tech giants sama sa Google, Microsoft, Apple, Meta, Intel, ug Cisco, nga ilang giisip nga “legitimate military targets.”
Nanawagan usab ang IRGC sa mga empleyado niini nga mga kompanya sa Middle East nga mobiya sa ilang mga opisina ug giawhag ang mga residente duol sa mga pasilidad nga mobalhin sa mas luwas nga lugar samtang nagpadayon ang tensyon sa rehiyon.