Nagserbisyo isip usa ka lay person sa Caryana Monastery Pampanga ang icon sa telebisyon ug pelikula, nga si Alicia Alonzo.
Sa usa ka panaghisgot uban sa usa ka personalidad, mipadayag si Alonzo sa rason og nganong nakadesisyon kini nga mobiya sa showbiz ug mukupot sa espiritwal nga pag-alagad.
Gisaysay niini nga tibuok niyang kinabuhi, siya matud pa ang nasunod, iyang kaugalingon, ug iyang kabubut-on maoy natuman. Apan,karon nga hapit na kining mutungtong sa 80 anyos, nakahunahuna si Alonzo nga ang nahibilin niining panahon, mas labing maayo matud pa nga masigurong ihatag ug itugyan na iniini ang iyang oras ug kinabuhi sa Ginoo, aron matuman ang iyang katuyuan sa kinabuhi. Nailhan ni Alicia ang Caryana pinaagi sa usa ka silingan nga miyembro na sa monasteryo.
Giimbita kini nga mosimba ug didto niini nakaila si Father Odon de Castro, ang founder sa Caryana. Nakaapil kini sa usa ka recollection ug mas napalawman pa ang iyang pagtuo. Dugang pa niini, sa wala pa kini midawat sa kinabuhi sa monastery, aktibo na si Alicia sa charismatic church activities.
Apan human sa daghang katuigan, mibati kini og kakuwangon. Matud pa ni Alicia, giampo ug gipangayo gayud niya kini sa Ginoo, tungod nakaplagan niini nga ang Diyos,mao ang dalan, ang kamatuoran ug ang kinabuhi.Â