Makasangka sa Pilipina nga tennis star nga si Alexandra “Alex” Eala sa dula niini Middle East swing sa Abu Dhabi Open, ang pamilyar na nga kontra nga si Zeynep Sonmez sa Turkey sa Round of 32 nga gikatakda sa Lunes.
Si Sonmez dili bag-o alang kang Eala gumikan ikaduha na kini nagkita sa singles competition kaniadto sa ilang ITF days.
Una kini nagkita sa ITF France 22A kaniadtong Nobyembre 2023, gisundan sa usa ka rematch sa Eastbourne Open kaniadtong Hunyo 2024, diin midaog pag-usab si Eala.
Ang duha nag-atubang usab isip doubles opponents sa ITF Luxembourg kaniadtong Nobyembre 2023 ug sa ITF Slovakia kaniadtong 2024, nga nagpalig-on pa pagkapamilyar sa usag usa.
Gawas sa singles, makigtigi usab si Eala sa doubles event, diin makauban niini ang kaubang Southeast Asian standout nga si Janice Tjen.
Sa unang dula, makasangka niini ang duo nila ni Leylah Fernandez sa Canada, kansa adunay dugong Pinoy, ug Kristina Mladenovic sa France.
Naabot ni Eala ang kinapungkan sa kalampusan pinaagi sa usa ka makasaysayanong homecoming sa Philippine Women’s Open, diin nagdula kini sa Pilipinas sa unang higayon.