Nahulog sa ika-49 nga pwesto sa Women’s Tennis Association (WTA) live rankings ang Pinay tennis star nga si Alex Eala human nag-expire ang 390 puntos nga nakuha gikan sa semifinals sa Miami Open sa miaging tuig.
Gikan sa kaniadto nga 1,525 puntos, mikunhod na lang ngadto sa 1,145 ang iyang kinatibuk-ang puntos.
Kini ang hinungdan sa pag-ubos sa ranking niini gikan sa iyang career-best nga ika-29 .
Isip ika-31 seed karong tuiga, nakakuha si Eala og first-round bye ug awtomatikong nakasulod sa round of 64, diin nadugangan kini og 10 puntos.
Ubos sa sistema sa WTA, ang mga puntos awtomatikong makuha human sa 52 ka semana ug pulihan sa labing bag-ong resulta sa usa ka magduduwa.
Giklaro nga ang pag-ubos sa ranking ni Eala dili tungod sa pilde, kundi tungod sa expiration sa iyang mga puntos.
Tungod niini, mahinungdanon ang performance niini sa Miami Open karong tuiga aron makuha og balik ang pwesto sa Top 30 sa WTA rankings.