Misaka si Alex Eala sa ika-61 nga puwesto sa pinakabag-ong WTA rankings human sa iyang makasaysayang kadaogan sa Guadalajara 125 Open sa Mexico, diin siya ang unang Pilipina nga nakadaog og WTA singles title.
Tungod sa maong kadaugan, misaka siya og 14 ka ranggo gikan sa iyang karaang posisyon nga ika-75.
Gipildi ni Eala si Panna Udvardy sa Hungary sa final, 1-6, 7-5, 6-3, pinaagi sa usa ka come-from-behind win nga nagpamatuod sa iyang kaisog ug determinasyon.
Ang 20-anyos nga tennis star nakaabot na kaniadto sa career-high ranking nga World No. 56, ug karon siya ang ikatulong seed sa Sao Paulo Open, usa ka WTA 250 tournament sa Brazil karong semanaha.
Sa wala pa kini, nakuha usab ni Eala ang iyang unang kadaogan sa Grand Slam main draw sa US Open, sa wala pa kini na-eliminate sa second round.