Sulod na ug gikatakdang magdula ang Pinay tennis star nga si Alex Eala sa main draw sa WTA 1000 Dubai Duty Free International Tennis Championship.
Gipahibalo kini sa mga organizer nga gikan sa qualifying draw mi-upgrade na si Eala sa main tournament.
Kini nga anunsyo human ang 20-anyos nga si Eala nakab-ot ang ranggo nga ika-40 sa Women’s Tennis Association kon WTA.
Nagpasabot kini nga adunay kahigayonan si Eala nga makaatubang ang pipila ka dagkong mga ngalan kon mandudula sa tennis.
Kini naglakip sa world No. 1 Aryna Sabalenka sa Belarus, No. 2 Iga Swiatek sa Poland ug No. 3 Elena Rybakina sa Kazakhstan, kansa midaog sa Australian Open sa miaging bulan.
Ang torneyo sa Dubai maoy ikaduhang dula ni Eala sa United Arab Emirates human sa WTA 500 Abu Dhabi Open diin nakaabot kini sa singles quarterfinals.
Human sa Dubai tournament, si Eala mobyahe sa US aron mosalmot sa pipila ka mga torneyo sama sa Indian Wells Open sa California gikan Marso 4 hangtod 15 ug modula na usab kini sa Miami Open nga magsugod sa Marso 17 hangtod 29.