Giselyohan na sa Pinay tennis sensation nga si Alex Eala ang usa ka eksplosibong rematch batok sa American star nga si Coco Gauff human sa iyang dikitapan madaugon nga dula sa round of 64 sa Indian Wells Open didto sa California.
Nisulod sa third round ang 20-anyos nga si Eala human niya gipildi ang Ukrainian nga si Dayana Yastremska sa tulo ka set, 7-5, 4-6, 7-5, kaganihang hapon (oras sa Pilipinas). Kini ang labing unang higayon nga nakaabot ang garbo sa Pilipinas sa maong stage sa prestihiyosong WTA 1000 tournament, nga giila usab nga “Fifth Grand Slam.”
Nakatakda ang panag-atbang nila ni Eala (World No. 32) ug Gauff (World No. 4) karong Marso 9. Kini mahimong tsansa alang ni Eala nga makabalos human siya mapildi sa American player sa ilang quarterfinals duel sa Dubai Tennis Championships sa niaging bulan.
Dili basta-basta ang hagit, apan bitbit ni Eala ang suporta sa tibuok nasud ug ang iyang determinasyon nga mopakita og garbo sa kalibutan sa tennis.