Makasangka sa Pinay tennis star nga si Alex Eala si Viktorija Golubic sa Switzerland karong adlawa alang sa quarterfinals sa Suzhou Open WTA 125.
Ang maong dula ipahigayon sa China sa alas 10 sa buntag sa Oktubre 3.
Kini ang ika-upat nga sunod-sunod nga quarterfinal nga pagdula ni Eala, subay sa Guadalajara 125, SP Open, ug Jingshan Tennis Open.
Sa wala pa moabot sa quarterfinals, gipildi una ni Eala si Greet Minnen sa Belgium.
Samtang sii Eala, anaa sa ranked 58 samtang ang 32-anyos nga si Golubic anaa sa ranked 35 kaniadtong 2022 diin nakaabot sa quarterfinals sa Wimbledon sa tuig 2021.
Ang mahimong modaog sa duha makigsangka usab kang Tatjana Maria sa Germany, ika-ranked 44, alang sa semifinals round.
Sa pag-abante nila ni Eala ug Golubic, nasiguro na ang ilang 27 ranking points ug $3,450 nga prize money.