Malampusong nakuha ni Alex Eala ang iyang kampanya sa WTA 125 Philippine Women’s Open human niini gipilde ang Russian player nga si Alina Charaeva, 6-1, 6-2, niadtong Lunes sa Rizal Memorial Tennis Center.Gipakita sa 20-anyos nga Filipina tennis star ang iyang kasinatian batok sa World No. 142.
Matud ni Eala, usa ka dako nga garbo alang kaniya ang makadula atubangan sa mga Filipino fans, butang nga dugay na niyang gipangandoy sukad siya nagsugod sa iyang pro career. Nagpadayag usab siya og pasalamat sa dako nga suporta nga iyang nadawat gikan sa mga ningsaksi sa maong makasaysayanong duwa.
Ang maong kadaugan maoy naghatag kaniya og agianan padulong sa Round of 16. Si Eala, kinsa kasamtangang World No. 49 ug No. 2 seed sa maong torneyo, gipaabot nga makigsangka sa mudaog tali sa mga Japanese netters nga sila si Nao Hibino ug Himeno Sakatsume.
Ang WTA 125 Philippine Women’s Open maoy labing unang high-level nga professional women’s tennis tournament nga gipahigayon sa nasud human sa daghang katuigan.