Gipataas sa gobyerno ang alert level sa pipila ka nasod sa Middle East diin adunay nagpuyo ug nagtrabaho nga mga Pilipino, tungod sa nagpadayong gubat tali sa US ug Israel kontra Iran.
Gikompirma ni Raffy Tulfo nga base sa koordinasyon sa Department of Foreign Affairs ug Department of Migrant Workers, nakataas na sa Alert Level 4 ang Iran, Syria ug Iraq—nga nagpasabot og mandatory evacuation o repatriation sa mga Pilipino. Naka-Alert Level 3 ang Lebanon o boluntaryong pagpuli, samtang Alert Level 2 ang UAE, Bahrain, Kuwait, Qatar ug Israel, ug Alert Level 1 ang Jordan.
Nagpulong na usab sa Malacañang Palace ang mga ahensya aron hisgutan ang konkretong lakang sa pagpapuli sa mga Pinoy ug pag-andam sa ubang opisina sa gobyerno alang sa ilang kaluwasan. Nagpaabot og pakikiramay ang mga senador sa pagkamatay sa OFW nga si Mary Anne Velasquez De Vera sa Israel.
Samtang nanawagan si Risa Hontiveros nga molihok ang United Nations aron mapugngan ang paglala sa tensyon, giingon ni Tito Sotto nga dili angay magpanic ang publiko kondili magpadayon ang hugot nga monitoring, ilabi na sa mga nasod nga daghan og Pilipino, aron mapanalipdan ang ilang seguridad ug malikayan usab ang posibleng oil crisis.