Gitubag sa Department of Justice ang isyu sa mga nagpailang mga kanhing miyembro sa Philippine Marines ug kauban ni Orly Guteza.
Sumala ni Justice Spokperson Atty. Polo Martinez, nga mahimo lamng aksyunan sa ahensya ang mga dokumento nga opisyal kung pormal kini nga gipasaka sa ahensya.
Matud ni Martinez, ikonsedira kini sa DOJ isip mga ebidensya sa preliminary investigation kung kabahin kini sa reklamo.
Dugang pa niini, posible usab ilhon ang alegasyon pinaagi sa pagpasaka og mosyon para masulod sa maong reklamo nga gipasaka sa DOJ.
Ang pagpasabot sa DOJ, misunod human mi-atubang sa publiko ang 18 ka indibidwal nga nagpaila nga mga kanhing sundalo ug nag-angkon nga nagserbisyo ni kanhing Ako Bicol Rep. Zaldy Co.
Subay sa ilang mga pamahayag, hingpit nilang gipamatud-an ang mga rebelasyon ni Orly Guteza sa milabay’ng pagdungog sa Blue Ribbon Committee sa imbistigasyon sa flood control.
Gibutyag usab, nga malemaleta ang ilang gideliver sa kanhing Kongresista nga si Zaldy Co, lakip usab aang pipila ka opisyal ug mga mambabalaod, diin nga ginganlan usab nga nakadawat si kanhing Marikina 2nd District Rep. Stella Quimbo.
Dugang pa niini, nga nagdala usab sila og maleta sa mga balay sa mga nalambigit nga mga opisyal nga naggikan sa giingong anomalya sa flood control projetcs sa gobyerno.
Gisaysay usab nga ang mga maleta adunay kawarta nga nagkantidad nga anaa sa P50 – P70 million pesos, samtang ang gagmay’ng maleta anaa sa kantidad P15- P25 million pesos.
Gipasabot usab kini ni Atty. Levi Baligod.