Aktres Kim Chiu, nakahuman og ‘short business course’ sa Paris

Gipaambit sa aktres nga si Kim Chiu ngadto sa  mga fans niini ang  pagtapos sa usa ka short business course didto sa Paris.

Sumala sa aktres, sulod sa tulo ka semana, daghan kini og nakat-unan.

Dugang pa niini, tinguha niya karong tuiga ang padayon nga pagtuon ug pagpalambo sa iyang kaugalingon.

Plano usab niini nga gamiton ang  mga nakat-unan alang sa iyang kaugalingon nga negosyo.

Pinaagi sa social media account, gipakita sa aktres ang pipila ka mga hulagway diin makita kini nga nagtambong sa usa ka lecture.

Tungod niini, niulan ang mga pahalipay gikan sa iyang mga fans ug mga kaubanan sa industriya sa showbiz.