Mipatay ug 46 ka Palestinians ang duha ka managlahing air strikes nga gihimo sa Israel. Sumala pa sa Medics and Defence officials lakip sa mga naigo ang Fahmi Al- Jargawi School sa Gaza City nga nag silbing shelter sa libuan ka pamilyang na displaced gikan sa Beit Lahia town na kasamtangang naka sinati og grabing pang atake sa Israeli Military.
Saysay pa sa tigpamaba sa civil defence narekober ang lawas sa 20 ka mga tawo, lakip na ang mga bata, human masunog ang duha ka eskwelahan nga gigamit nga temporaryong mga puluy-anan sa Gaza.Daghan sa mga lawas ang grabe ang pagkasunog, samtang pipila sa mga nakaluwas anaa sa kritikal ang kahimtang.Base sa lokal nga mga report, usa sa mga napatay mao si Mohammad Al-Kasih, ang lider sa imbistigasyon sa Hamas police sa amihanang bahin sa Gaza, uban ang iyang asawa ug mga anak.
Sa wala pa kini nga insidente, naigo sa air strike sa Israel ang usa ka balay sa central Gaza City nga mipatay og upat ka tao. Ang maong mga pag-atake kabahin sa mas pinalapad nga opensiba sa Israel nga karon nakaabot na sa amihanang bahin sa Gaza sulod sa miaging semana. Sa pikas bahin, sumala sa Israeli Defense Forces (IDF), ilang gitarget ang usa ka command ug control center nga gigamit sa Hamas ug Islamic Jihad. Giingon sa IDF nga gigamit sa mga terorista ang lugar aron planuhon ang mga atake batok sa mga sibilyan nga Israeli ug mga tropa sa IDF. Gipasanginlan usab sa Israel ang Hamas sa paggamit sa mga sibilyan sa Gaza isip “human shields.”