Ang pioneering nga agritech startup nga kompanya nga Agrilever nagsaad sa pagtabang sa mga gagmay nga mag-uuma sa humay sa Pilipinas.
Pinaagi sa paghatag og teknolohiya, fertilizers, ug access sa financing.
Pinaagi sa ilang serbisyo, matabangan ang mga mag-uuma nga makakuha og kredito gikan sa mga bangko ug financial institutions aron mapalambo ang ilang produksyon ug mapa-boost ang productivity sa sektor sa agrikultura.
Matod ni Agrilever CEO Ruel Amparo, ang pagtabang sa mga mag-uuma gikan sa mga financial institutions, maka-empower kanila ug mas makalig-on ug produktibong sektor sa agrikultura.
Dugang pa niini, naglaum sya nga maabot nila mag-uuma sa humay sa tibuok nasud ug mahatagan sila sa mga pinansyal nga himan, fertilizers, ug weather analytics nga ilang gikinahanglan aron magmalampuson bisan pa sa mga hagit sa klima ug mapalambo ang ilang ani.
Karon, ang Agrilever nakig-partnership sa Department of Agriculture-Agricultural Credit Policy Council (DA-ACPC), New Rural Bank of San Leonardo ug niaging tuig sa BPI Direct BanKo Inc., nga milunsad og Agri NegosyoKo Loan Program.
Nag-launch usab sila og app nga nagtanyag og crop management protocols ug advanced weather intelligence, nga makatabang sa mga mag-uuma sa pag-manage sa ilang mga umahan ug pag-atubang sa mga epekto sa klima.