Gipakita sa Armed Forces of the Philippines (AFP), sa pakig-alayon sa United States forces, ang usa ka synchronized firepower ug rapid response human sa high-intensity Counter-landing and Live-Fire Exercise sa Barangay Dodan, Aparri, Cagayan agig kabahin sa “Exercise Balikatan 40-25.”
Ang drill simulation nagtumong sa detection sa Amphibious Task Group nga naghulga sa pwersa ug boot nga mudunggo sa kabaybayunan sa amihanan.Sa rapid response, ang joint Philippine-US forces nagpakita sa coordinated counter-landing operation aron malikayan ang kalaban nga makadunggo.
Ang Philippine Army ug Philippine Marine Corps nag-mobilize sa mga dagko nga mga assets, sama sa Sabrah battle tanks, Light Armored Vehicles (LAVs), ATMOS 155mm self-propelled howitzers ug dugang firepower gikan sa 105mm howitzers.
Samtang ang US forces nagpakita sa ilang kapaspas sa air ug ground support. Key assets sama sa AH-64 Apache attack helicopters, F-16 aircrafts, P-8A Poseidon aircraft alang sa maritime surveillance.