Afghanistan, naglunsad og atake batok sa Pakistan

Naglunsad ang Afghanistan og halapad nga pag-atake batok sa Pakistan isip porma sa pagbawos sa mga operasyon sa militar nga unang gipatuman sa Taliban.

Kini nga lakang gihimo human ang Pakistan naglunsad og mga air-strike sa Afghanistan sa niaging mga adlaw nga gitarget ang mga terorista nga nagpahigayon og suicide bombing.

Sa gihimo nga operasyon sa border, pipila ka mga sundalo sa Pakistan ang nakabsan sa kinabuhi samtang adunay uban nga gipang-aresto.

Gipahayag sa Taliban nga adunay mga paglapas nga gihimo ang Pakistan sa utlanan o border nga dili na mahimong palabyon, hinungdan sa maong pagbawos.