Administrasyong  Marcos, gipaniguro ang $800-M loan sa World Bank alang sa trabaho ug ekonomiya sa Pilipinas

Gipaniguro sa administrasyong Marcos ang $800-milyon nga development loan gikan sa World Bank Group aron palig-onon ang paggasto sa gobyerno ug paspasan ang pagmugna og mga trabaho sa nasud pinaagi sa Growth and Jobs Development Policy Loan (G&J DPL1).

Sumala sa Department of Finance (DOF), kini nga pondo, diin gipanguluhan sa World Bank – International Bank for Reconstruction and Development (WB-IBRD), usa ka timailhan sa dakong pagsalig sa ekonomiya sa Pilipinas, diin gipasiugdahan ni Finance Secretary Frederick Go ang kamahinungdanon sa husto nga pagdumala sa matag piso aron makahatag og tinuod nga kaayohan sa mga negosyo ug serbisyo publiko alang sa tanang Pilipino.