Gihisgutan sa usa ka eksperto ang lawom nga koneksyon tali sa addiction ug mental health sa usa ka indibidwal, ilabi na sa aspeto sa panglawas ug emosyonal nga kahimtang.
Matud ni Percival Velez Batar, usa ka certified psycotherapist ug program director sa Journey Home Wellness Center atol sa progamang Doctor Bombo, gipasabot sa maong eksperto nga ang addiction dili lamang usa ka yano nga bisyo.
Ang addiction usa ka seryosong kondisyon nga direktang makaapekto sa brain function, lakip na ang mga parte sa utok nga kontrolado sa pagdesisyon.
Dugang pa niini, ang pagbalik-balik sa paggamit sa usa ka substansya o pagbuhat sa usa ka adiktibong batasan makapahinay sa natural nga proseso sa utok, nga mosangpot sa pagkunhod sa mental stability, ug pagkawala sa gana sa normal nga kinabuhi.
Tungod niini, giila sa eksperto nga ang addiction dili tan-awon isip personal nga kapakyasan, kondili usa ka medical disease nga nagkinahanglan og tukmang pagtagad, interbensyon, ug suporta gikan sa pamilya, komunidad, ug mga health professionals.
Gitumbok niini ang giyera sa utok dili sayon gumikan adunay tumang pagsaka sa ginatawag nga dopamine nga makaapekto sa panghuna-huan.
Gipasabot usa niini nga likayan ang pipila ka mga misconception mahitungod sa adiksyon ug sutaon ang tukmang pamaagi sa pgsagubang sa maong kadaot sa kinaiyahan.