Giklaro ni Batangas Rep. Gerville “Jinky Bitrics” Luistro nga ang gikatakdang pagdungog sa House Committee on Justice karong Marso 25, 2026 kalabot sa impeachment complaint batok kang Bise Presidente Sara Duterte magsilbing preliminary investigation ug dili usa ka full trial.
Tungod niini, limitado ang partisipasyon sa mga abogado ug mga mambabalaod nga dili sakop sa komite sa pagpangutana sa mga testigo.
Matud ni Justice panel Chair Luistro, ang mga miyembro lamang sa Committee on Justice ang adunay gahom sa pagpahigayon og direkta ug cross-examination base sa mga sumbanan sa 20th Congress.
Gikaingong nga ang mga abogado sa duha ka habig mahimo lamang nga magsilbi nga magtatambag sa mga kliyente, samtang ang mga mambabalaod nga dili miyembro sa komite, sama ni Rep. Rodante Marcoleta, mahimo lamang mag “manifestation” ug dili makapangutana sa mga testigo.
Gipasabot usab sa mambabalaod, nga ang tahas sa Kamara niini susama sa mga prosecutors nga nagsusi kung adunay “probable cause” aron ipadayon ang kaso.
Kung mapamatud-an ang basehan, irekomendar kini sa plenaryo diin gikinahanglan ang botar nga 1/3 sa tanang sakop sa Kamara aron pormal nga ipadala ang Articles of Impeachment ngadto sa Senado alang sa aktwal nga pagdungog.