Mihangyo ang abogado ni Charlie “Atong” Ang nga dili na ilakip ang maong negosyante sa kaso sa missing sa mga sabungero.
Sa petisyon nga gisang-at sa Department of Justice kon DOJ ni Atty. Gabriel Villareal, gitataw niini nga wala’y kalambigitan ang kliyente niini sa kasong kidnapping ug serious illegal detention nga gipasaka sa Manila Regional Trial Court.
Dugang pa sa Abogado, nga ang akusasyon batok ni Ang naggikan sa pagbakwi ni Julie Patidongan sa pamahayag niini.
Matud niini, nga ang pagbakwi ni Patidongan sa pamahayag nagpaila nga dili si Ang ang utok sa maong krimen.
Nahibulong usab kini kyng nganong nausab ang huna-huna sa DOJ nga pasakaan og kaso si Patidongan ug karon matud pa iduso na si Ang sa maong kaso.
Ang kaso nisangpot sa pagkahanaw sa mga sabungero diin gitudlo si Ang isip nagpaluyo niini.
Gipanghimakak usab ni Villareal ang kasamtangang lokasyon ni Ang ug nagtuo lamang nga anaa pa kini sa Pilipinas.