Nag-isyu ang Ombudsman og mando nga tubagon ni Justice Secretary Jesus Crispin Remulla, Interior Secretary Jonvic Remulla, Philippine National Police (PNP) chief Rommel Marbil, ug duha pa ka opisyal ang mga kriminal ug administratibong alegasyon batok kanila tungod sa pagdakop ni Kanhi Pangulong Rodrigo Duterte kaniadtong Marso.
Sumala sa pamahayag sa chairperson sa Senate Committee on Foreign Relations nga gipasa ni Senador Imee Marcos, ang Ombudsman nagmando sa mga opisyal nga tubagon ang mga alegasyon sa arbitraryong pagdetine ug pagsaksi sa bakak. Ang uban pang mga ginmanduhan nga tubagon ang mga reklamo mao sila si Special Envoy on Transnational Crime Markus Lacanilao ug Criminal Investigation and Detection Group Police Maj. Gen. Nicolas Torre.
Ang mga opisyal gipasidan-an nga ang pagka-failure sa pag-file og Counter-Affidavit sulod sa gihatag nga panahon mahimong magpasabot og waiving sa ilang katungod nga magpresentar og ebidensya ug magpadayon ang preliminary investigation. Sa rekomendasyon sa Senate committee, gipasanginlan ang mga opisyal og criminal complaints sama sa arbitraryong pagdakop, grave threat, pag-usurp sa judicial functions, pagpamatuod og kasinungalingan, ug perjury, samtang ang administratibong mga reklamo naglakip sa grave misconduct ug conduct prejudicial to the best interest of the service.
ahinumduman Si Duterte nadakpan kaniadtong Marso 11 sa NAIA pagkahuman sa iyang pag-abot gikan sa Hong Kong. Ang pagdakop base sa arrest order gikan sa International Criminal Court (ICC), nga nag-akusar ni Duterte sa mga krimen batok sa katawhan tungod sa libo-libong mga kamatayon sa iyang giyera batok sa droga.Ang Republic Act 9851 nagtugot sa gobyerno sa Pilipinas nga ipatuman ang deferral sa mga imbestigasyon bahin sa mga krimen batok sa katawhan kung ang ICC na ang nagahimo og imbestigasyon bahin niini. Samtang, ang Pilipinas, ilabi na si Duterte, nagpahayag sa pag-undang sa pag-apil sa Rome Statute sa ICC kaniadtong Marso 14, 2018, ug ang withdrawal naaplikar sa sunod tuig, Marso 14, 2019.