Giila nga sensitibong kaso sa kasaysayan sa politika sa Pilipinas mao ang pagdakop ug pagpasaka og kasong illegal na droga batok kang kanhi Department of Justice Secretary Leila de Lima sa panahon sa administrasyon ni kanhi Presidente Rodrigo Duterte. Sumala ni Atty. Orly Montalban ang pag-nullify sa usa ka desisyon sa korte, ilabi na kung gikan sa ubos nga hukmanan ug moabot sa Court of Appeals o Supreme Court, usa ka seryoso nga proseso, kung ang korte nag-ingon nga wala’y igong ebidensya, ug wala gideklarar nga ‘acquitted’ ang akusado, nagpasabot nga aduna pa’y posibilidad nga kini i-review o i-apila.
Gipasabot usab sa abogado nga ang acquittal lahi sa dismissal o nullification. Sa kaso ni De Lima, dili pa gihapon masulti nga hingpit na siyang gawasnon hangtod walay klaro nga pahayag nga siya gi-acquit sa tanang kaso. Dugang pa ni Atty. Montalban, kung wala pa’y finality of judgment, ug kung ang korte misalikway tungod sa kakulang sa ebidensya o procedural issues, aduna pa’y posibilidad nga kini ma-review sa mas taas nga korte o refile ang kaso depende sa legal grounds.Dunay naglantaw nga ang nullification sa desisyon paglimpyo sa pangalan ni De Lima, apan sa panan-aw sa balaod, aduna pa kini’y daghang teknikal nga proseso nga agian.
Kini usa ka pahinumdum nga ang due process sa balaod dili dali-dalion, ug kinahanglan nga sundon ang hustong pamaagi. Samtang ang kampo ni De Lima misang-at na og hangyo sa korte nga tapuson na ang tanang kaso batok kaniya, ang publiko nagtan-aw karon sa Supreme Court kung unsay sunod nga lihok niini—bawion ba ang naunang desisyon, o magpagawas ba kini og klarong desisyon sa iyang pagka-acquit. Ang maong kaso nagpamatuod sa gahum sa hustisya ug sa kahinungdanon sa legal nga proseso sa atong nasod.