Niabot na sa P96.90 milyones ang kadaot sa sektor sa agrikultura tungod sa Bagyong Crising ug habagat.Base sa report nga gipagawas sa Department of Agriculture Disaster Risk Reduction and Management Operations Center, ang danyos gikan sa kapin 6,037 ka ektarya sa mga apektadong umahan.
Kini ang hinungdan sa kinatibuk-an nga 2,236 metric tons nga volume loss, nga nakaapekto sa kinatibuk-an nga 4,665 nga mga mag-uuma ug mangingisda. Base sa report sa DA, 97.17% ang kadaot sa industriya sa bugas. Ang nahabilin gibahin sa mga high value crops, mais, ug sektor sa kahayupan. Ang mga lugar nga labing apektado mao ang mga probinsya sa Palawan, Occidental Mindoro, Negros Occidental, Tarlac, ug probinsya sa Cagayan.
Ang datos gilauman nga mausab samtang ang assessment ug field validation sa DA field validators nagpadayon sa nagkalain-laing dapit sa nasud nga una nga naapektuhan sa kalamidad.