92-anyos nga tigkalot og lubnganan sa Indiana, miretiro na human sa 73 ka tuig!

Miretiro na sa edad nga 92 ang world record holder nga si Allen McCloskey human sa 73 ka tuig ug 75 ka adlaw nga pagserbisyo isip tigkalot og lubnganan sa Indiana.

Nagsugod ang iyang karera sa Galveston Cemetery niadtong 1952 isip temporaryong “reliever” lamang sulod sa usa ka semana, apan nahimo kining tibuok kinabuhi nga panginabuhian.

Niadtong 2021, opisyal nga nakuha ni McCloskey ang Guinness World Record alang sa maong trabaho.

Sumala sa iyang anak nga si Dean, nakadesisyon ang amahan niini nga moundang niadtong Nobyembre 2025 tungod sa isyu sa panglawas, bisan pa man sa tinguha niini nga molugway pa unta og pipila ka semana.