Nalakip sa Guinness World Records ang usa ka 90 anyos nga magtutudlo gikan sa Michigan, Estados Unidos, human sa 67 ka tuig nga padayon nga pagtudlo, nga naghatag kaniya sa titulo isip pinakataas og serbisyo nga babaye nga magtutudlo sa pinulongan sa kasaysayan kon language teacher.
Nailhan kini nga si Beverly Hannett-Price, usa ka English teacher sa Detroit Country Day School, nagsugod kini sa pagtudlo kaniadtong 1958 ug hangtod karon nagpabiling aktibo sa classroom.
Ang pasidungog gihatag kaniya atol sa usa ka school assembly kaniadtong unang bahin sa Pebrero 2026, nga wala niini damha gumikan gihunahuna niini ordinaryo lamang kini nga kalihokan.
Sulod sa kapin sa unom ka dekada, liboan ka mga estudyante ang natudluan niini, lakip na ang pipila ka nailhan nga personalidad nga nagpasidungog sa dakong impluwensya niini sa ilang kinabuhi.
Bisan pa sa pangedaron, nagpadayon gihapon si Hannett-Price sa pagtudlo, ug matud niini, wala pa kini’y plano nga mohunong samtang anaa pa ang kusog ug gugma sa edukasyon.