Usa ka siyam ka tuig nga batang babaye nga si Lucy Milgrim ang nakakuha og dako nga atensyon online human niini maalsa ang 180 pounds nga barbell, diin halos tulo ka beses sa iyang timbang.
Nailhan si Lucy nga aktibo sa weightlifting ug professional wrestling, ug regular nga naga-gym hangtod lima ka beses sa usa ka semana.
Nakatigom na usab siya og tulo ka rekord ubos sa USA Powerlifting. Labi pa kining ni-viral human sa iyang performance sa Arnold Sports Festival sa Columbus, Ohio.
Sumala sa iyang amahan, sayo pa lamang nagpakita na kini og interes sa pag-asnat og weights tungod sa pagsunod sa ilang ehersisyo sa balay.
Bisan pa sa daghang pagdayeg, adunay gihapon mga kabalaka ang uban bahin sa posibleng epekto niini sa lawas sa usa ka bata.