Giawhag ang publiko nga magbantay sa mas kusog epekto sa bagyong Emong diin misaka na kini sa typhoon category samtang nagpadayon nga naglihok padulong sa Northern Luzon.
Gilauman nga mo-landfall kini sa Ilocos Sur o La Union karong buntag ug pagkahuman, mutipas sa mountainous terrain sa norte sa Luzon antes ug mugawas sa Babuyan Channel sa wala pa ang udtong tutok.
Posible usab kini nga muagi duol sa Babuyan Islands sa udto o hapon ug sa Batanes takna hapon o gabii. Sa pagkakaron, anaa na 84 ka mga lugar ang opisyal nga gideklara ilawon sa state of Calamity.
Nagpahimangno ang mga ahensya kabahin niini mahitungod sa kahimtang sa nagkadaiyang lugar gumikan giisa na ang Tropical Cyclone Wind Signal No. 4 sa southwestern portion sa Ilocos Sur ug sa northern ug central parts sa La Union.
Kini timailhan nga posibleng adunay grabe nga kadaut ang bagyo sa mga balay, poste, ug imprastruktura diin mutungha ang maong bagyo.
Lakip sa signal gnal No. 3 usab ang sa southern Ilocos, ubang parte sa Abra, Kalinga, Benguet, ug northern Pangasinan samtang Signal No. 2 ug 1 ang nakaapekto sa ubang lugar sa Cordillera, Cagayan Valley, Central Luzon, ug Ilocos Region.
Pag-andam usab batok sa habagat (southwest monsoon) nga magpadayon sa pagdala og kusog nga ulan sa daghang parte sa nasod bisan gawas sa direkta nga agianan sa bagyo. Karon, ang bagyo nagadala og hangin nga 120 km/h ug pagbugso nga 165 km/h samtang nagalihok pa northeast sa tulin nga 20 km/h.
Gilauman nga mohuyang kini pagkataob sa kabukiran ug mogawas sa Philippine Area of Responsibility (PAR) karong Sabado o Domingo. Samtang, gibantayan ang laing bagyo nga anaa sa gawas sa PAR nga nahimutang 2,220 km sidlakan sa Central Luzon.
Kinahanglan magmatngon aron magpabilin sa luwas nga lugar ug maminaw sa opisyal nga pahibalo gikan sa PAGASA ug sa inyong lokal nga disaster offices.
Samtang, ang bagyong Dante, nakagawas na sa PAR, padayon ang pahimangno sa publiko nga mag-amping, magpabilin sa luwas nga lugar, ug maminaw sa mga opisyal nga pahibalo sa panahon.