812 ka kumpirmadong kaso sa HIV sa Bukidnon, ug nadugang pa ang 326 ka bag-ong kaso sa unang kwarter ning tuiga, na nagpakita sa kahimtang sa kahimsog publiko. Sa pakighinabi sa Bombo Radyo Malaybalay, gibutyag ni Joseph Marben Gealon, HIV Provincial Coordinator, nga misaka pag-ayo ang kaso sa HIV sa Bukidnon, nga miabot na sa kapin 1,138 ning tuiga.
kadaghanan sa mga apektado mao ang kabatan-onan nga nag-edad 14 hangtod 25 anyos, samtang nagataas usab ang kaso sa 25 hangtod 35 anyos, nga gitawag nga working group. Giingon usab nga ang rason sa pagtaas sa kaso sa maong grupo tungod sa transactional sex, diin wala naggamit og proteksyon aron matubag ang ilang sexual needs, hinungdan sa pagkaylap sa HIV.
Gipahimangnoan sa opisyal ang publiko, labi na ang kabatan-onan ug working adults, sa pagpraktis og protektadong pakighilawas ug pagbisita sa health facilities para sa regular nga HIV testing aron malikayan ang dugang pagkatakod.