Nagpabiling nagkataas ang kaso sa HIV sa Bukidnon, nga misaka na ngadto sa 812 ka natala na positibo, hinungdan nga milingkod kini sa ikaduhang ranggo sa tibuok Rehiyon 10 sa labing daghang kaso.
Sa pakighinabi sa Bombo Radyo Malaybalay atol sa programa nga Doctor Bombo, giklaro sa HIV Provincial Coordinator nga si Joseph Marben D. Gealon nga ang datos naglangkob gikan pa sa tuig 1991 hangtod karong tuiga, na padayon kining nagtaas.
Dugang pa niini, wala nagkulang ang ilang buhatan sa pagpasiugda sa kahibalo mahitungod sa HIV pinaagi sa mga eskwelahan ug matag barangay aron mapugngan ang dugang pagkatap sa sakit.
Gipahimangnoan sa opisyal nga ang sayo nga pagpa-eksamin ug pagtamod sa hustong impormasyon mao’y yawe aron malikayan ang seryosong epekto sa HIV sa komunidad.