Gipanghambog sa Commission on Elections (COMELEC) ang taas nga voter turnout atol sa bugnong lugaynon ning tuiga. Matod sa COMELEC, usa kini ka timailhan sa nagpadayon nga interes sa katawhan sa ilang katungod sa pagboto ug sa aktibong partisipasyon sa demokratikong proseso.
Sumala sa datos nga gipagawas sa COMELEC, mikabat sa kapin 80% sa mga rehistradong botante ang mitambong ug mibotar, diin mas taas tandi sa nakalabay nga mga eleksyon.
Gipasalamatan usab sa ahensya ang katawhan sa ilang kooperasyon ug disiplina sa adlaw sa piniliay bisan paman nga dunay mga kakulian sa pipila ka mga lalawigan sa nasud.
Kabahin niini, giklaro usab sa COMELEC nga ang maong kalampusan, resulta sa mas gipakusgang edukasyon sa mga botante, mas paspas nga proseso sa botohan, ug mas lapad nga pagpahibalo sa mga regulasyon sa eleksyon.
Sa katapusan, gi-awhag sa COMELEC ang publiko nga ipadayon ang maong pamatasan ilabi na sa mga umaabot pa nga piniliay, aron mapalig-on pa ang demokrasya sa nasud.
Nakatala ang COMELEC og 81.65% nga voter turnout sa midterm elections, nga mao ang labing taas nga record sa kasaysayan sa midterm elections.
Matod ni COMELEC Chairman George Garcia, kini ang labing taas nga turnout nga natala sa midterm elections.
Sa kapin 68 milyon nga rehistradong botante, kapin 55 milyon ang nakabotar.
Kasagaran, ubos ang turnout panahon sa midterm elections, apan karon mas taas pa kini kaysa sa 82% nga turnout sa 2022 presidential elections.
Gipakita usab nga ang pinakadaghan nga mibotar mao ang mga kabatan-onan, samtang kapin 3 ka milyong senior citizens ang nakabotar usab.