Mikabat sa walo ka tawo ang namatay human sa kusog nga pagbusikad nga nahitabo dapit sa Red Fort area sa Delhi, India diin kini nga lugar adunay daghang tawo.
Sumala sa inisyal nga imbestigasyon sa mga otoridad gikan sa usa ka awto ang hinungdan sa maong pagbusikad nga miresulta usab sa daghang samaran.
Daghang mga tawo ang naangol ug nadala sa mga balay tambalanan human sa insidente samtang gilihok sa kapulisan ug mga bomb experts ang pagimbestigar sa tinuod nga hinungdan sa kalit nga pagbuto.
Tungod sa hitabo, gipahugtan ang alerto sa mga otoridad ilabi na sa Mumbai, aron malikayan ang posible pang susamang panghitabo.Padayon karon ang imbestigasyon sa mga otoridad aron masuta kung may kalambigitan ba kini sa terorismo o aksidente lamang ang panghitabo.