Giaresto sa mga otoridad sa Hong Kong ang walo ka mga indibidwal sa nagpadayong imbestigasyon sa dakong sunog nga miulbo sa Wang Fuk Court nga usa ka housing complex.
Lakip sa mga dinakpan ang duha ka mga direktor sa usa ka consultancy firm nga naghatag og mga pahibalo alang sa maintenance works sa site, duha ka project managers nga nagdumala sa trabaho, tulo ka scaffolding subcontractors ug usa ka mediator.
Una nang nasikop ang tulo ka mga indibidwal, diin duha niini mga direktor sa kompanya ug usa ka consultant, apan gibuhian usab ug gipabalik sa mga otoridad alang sa dugang nga imbestigasyon.
Sa pagkakaron, 128 na ka tao na ang kompirmadong patay samtang kapin sa 200 ang missing.
Matag pamilya sa namatyan makadawat og $25,700 kon kapin sa P1.5 milyones samtang ang mga apektadong balay makadawat og dul-an P400,000.
Samtang gisusi pa sa mga otoridad sa Hong Kong kung unsa ang hinungdan sa maong sunog nga mudagan sa kapin sa duha ka adlaw aron hingpit nga mapalong.