8 ka Filipino crew nga naluwas sa pagpangatake sa mga Houthi rebels, gapaalim na sa balay tambalanan

Gipailawom na karon sa pagpatambal ang walo (8) ka mga Filipino seafarer nga naluwas gikan sa naunlod nga MV Eternity C, human kini giatake sa mga rebeldeng Houthi sa Red Sea.

Sumala ni Migrant Workers Undersecretary Bernard Olalia, ang nasambit nga mga seafarer ang kabahin sa 21 ka mga tripulante sa MV Eternity C. Subay niini, ilang gihikay ang pagpauli sa walo ka survivors, samtang walo pa ang nalista nga nagpabiling missing.

Ang bulk carrier nga adunay 21 ka tripulante nga Pinoy maoy usa sa duha ka barko nga adunay bandera sa langyaw nga giatake sa mga rebeldeng Houthi niadtong Hulyo 6, 2025.