Pito ka mga tao ang kompirmadong patay ug 82 ang missing human sa dakong pagdahili sa yuta nga miigo sa Pasirlangu village, West Bandung, West Java, Indonesia.
Nahitabo ang insidente human midahili ang bahin sa Mount Burangrang tungod sa pagbunok sa ulan.
Kapin sa 30 ka mga balay ang nalubong sa mga yuta, hinungdan sa dakong kadaot sa komunidad.
Gipangunahan sa National Disaster Mitigation Agency ang search and rescue operations, sa pakigtambayayong sa Armed Forces of Indonesia, mga lokal nga gobyerno, ug mga boluntaryo.
Gikatahong nahimong lisod ang operasyon tungod sa padayong pag-ulan ug hulga sa dugang pagdahili sa yuta sa dapit.
Gawas sa pagdahili sa yuta, gibahaan usab ang 20 sa 30 ka sub-distrito sa Karawang ug ubang bahin sa East Jakarta, nga nakapugos sa pagbakwit sa gatusan ka mga residente.
Sumala sa gobyerno, ang deforestation ug environmental degradation labing nakadugang sa risgo sa mga katalagman, hinungdan nga gipasakaan og kaso ang unom ka kompanya nga gikaingong responsable sa environmental degradation.