Patay ang 7 ka indibidwal tungod sa grabe nga pag-ulan, pagbaha, ug mga landslide nasinati gumikan sa habagat ug Severe Tropical Storm “Crising,” sumala sa report sa Office of the Civil Defense.
Matud ni Office of the Civil Defense Assistant Secretary Rafaelito Alejandro IV, nga pito (7) ang naangol ug walo (8) ang gi-report nga namissing. Dugang pa niini, anaa na sa 3,000 ka barangay sa nasud ang giisip nga landslide-prone, ug natala ang mga insidente didtu sa Baguio City.
Gikonsidera na karon sa OCD ang paggamit sa mga Enhanced Defense Cooperation Agreement (EDCA) sites alang sa mga posibli nga relief hubs. Lakip niini gamiton ang mga EDCA sites alang sa repacking, command centers, o pagdawat sa international aid, depende sa ilang lokasyon. Apan wala pa kini pormal nga mando, Bisan pa sa kalapad sa epekto, miingon and OCD nga adunay igong pondo ug rekurso ang mga ahensya sa gobyerno.
Gakoordinar na usab ang OCD ug PAGASA alang sa posible nga suspensyon sa klase ug trabaho sa mga lugar nga apektado.