Nakaplagang wala nay kinabuhi ang usa ka 65-anyos nga lalaki sa usa ka sapa sa Purok 5, Mando, Imbatug, Baungon kaniadtong Pebrero 11, human kini na-missing og usa ka adlaw.
Gideklara sa Municipal Health Office (MHO) sa Baungon nga walay nakitang mga samad o timailhan sa “foul play” sa lawas sa biktima. Base sa pagsusi sa mga otoridad, ang kamatayon giisip nga walay kalambigitan sa bisan unsang krimen human usab kini gikumperma sa imbestigador sa kaso.
Nakit-an ang lawas sa biktima mga alas 1:30 sa hapon sa usa ka silingan nga nibisita sa iyang mga tanom sa dapit diin nahitabo ang insidente. Usa ka menor de edad ang unang nakabantay sa tigulang nga naghigda na sa sapa.kinsa daling nitaho sa pamilya sa biktima alang sa identipikasyon.
Nasayran sa imbestigasyon nga kaniadtong hapon sa Pebrero 10, nigawas ang biktima aron magtigway sa iyang baka apan wala na kini makapauli sa ilang balay.
Gibutyag usab sa pamilya nga gawas sa pag-atiman sa baka, kanunay usab nga nag-inom og ilimnong makahubog ang maong tigulang.Human sa eksaminasyon, ang patayng lawas gitugyan na ngadto sa iyang pamilya ug gidala na sa ilang panimalay.