Natala ang unom (6) ka tawo ang namatay ug nalaangan ang dagkong mga flight sa pipila ka bahin sa Europa tungod sa pag-ulan og ice.
Lima ka tawo ang namatay sa lain-laing dapit sa France human maaksidente tungod sa danlog mga kadalanan nunot sa maong panghitabo, samtang sa Bosnia, usa ka babaye ang namatay usab tungod sa pagkahulog sa baga nga ice.
Liboan usab ka mga pasahero ang nalangan ug na-stranded sa mga tugpananan sa Paris ug Amsterdam.
Gilauman nga magpadayon ang maong aberya sa mga flight sulod sa pipila ka adlaw gumikan sa padayon nga pag-ulan og ice.
Nagpasidaan ang national weather service sa France nga posibleng ibutang sa orange alert ang 38 ka distrito.
Samtang kapin sa 400 ka mga flight ang na-delayed sa Amsterdam ug sa ubang bahin sa Europa.