6 ka job order employees sa dakbayan sa Valencia nagpositibo sa illegal nga droga

Unom ka empleyado nga job order status ang nagpositibo sa illegal nga droga sa gipahigayong ikaduhang surprise random drug testing sa lokal nga kagamhanan sa dakbayan sa Valencia.

Matud pa ni Jun Galario, kanhi city mayor ug kasamtangang tigpamaba sa syudad nga ang mga nagpositibo naggikan sa Environment and Natural Resources Office ug Traffic Management Office ug awtomatikong dili na tugutang makapadayon sa trabaho sugod karong adlawa.

Ang maong drug testing gipahigayon niadtong Nobyembre 17, 2025 isip kabahin sa mas hugot nga kampanya sa syudad batok illegal nga droga.

Gipasabot pa sa opisyal nga mupadayon pa ang ilang surprise drug testing aron masiguro nga drug free workplace ang lokal nga kagamhanan sa Valencia.