6 dakpan human sa Protesta sa Milan, Italy

Gidakop ang unom ka tawo human misukol sa mga kapulisan ang mga nagprotesta sa Milan, Italy, usa sa host cities sa Winter Olympics.

Liboan ka mga nagprotesta ang migawas sa kadalanan aron ipahayag ang lain-laing isyu lakip ang taas nga cost of living.

Sa maong protesta, adunay mga nagpa-fireworks ug namato sa kapulisan, hinungdan nga mitubag ang police gamit ang water cannon.

Ang insidente misunod human gipahugtan sa gobyerno sa Italy ang mga balaod batok sa protesta, sunod sa demonstrasyon sa Turin nga miresulta sa kapin sa 100 ka mga opisyal ang nasamdan.